2024 yilning uchinchi choragida Xiaomi daromadi 30,5% ga oshdi.
Xiaomi elektromobillar ishlab chiqarishda sezilarli muvaffaqiyatlarga erishdi. Birinchi SU7 modelining ishlab chiqarilishi boshlanishidan 9 oy o‘tib, kompaniya bozorda 135 000 ta avtomobil yetkazib berdi. Buni Xiaomi asoschisi Ley Jun (Lei Jun) Xaydian tumanining iqtisodiy rivojlanishiga bag‘ishlangan konferensiyada ma'lum qildi. Ushbu natija sohada rekord bo‘ldi. Xiaomi elektromobillariga bo‘lgan talab ortib bormoqda, yangi avtomobillarga kutish muddati esa 6-7 oyni tashkil qilmoqda.
Xiaomi avtomobil bozori yetakchisi bo‘lib chiqdi: 9 oy ichida 135 000 ta SU7 elektromobili sotib oluvchilarga yetkazib berildi.
2024 yilning uchinchi choragi bo‘yicha moliyaviy hisobotga ko‘ra, Xiaomi ning umumiy daromadi 92,51 milliard yuanni tashkil etdi, bu esa 90,28 milliard yuanni tashkil etgan prognozni ortda qoldirib, o‘tgan yilga nisbatan 30,5% ga o‘sishdan dalolat berdi. Kompaniyaning sof foydasi 5,35 milliard yuanni tashkil etdi, ammo yangi yo‘nalishlar (shu jumladan, elektromobillar)dan kelgan yo‘qotishlar hisobga olingan holda, tuzatilgan sof zarar 1,5 milliard yuanni tashkil etdi. Shunga qaramay, Ley Jun Xiaomi ning natijalari kompaniya tarixidagi eng yaxshi natijalar ekanligini ta'kidladi.
U elektromobillar sohasidagi muvaffaqiyat Xiaomi ning umumiy o‘sishiga kuchli turtki bo‘lganini ta'kidladi. Kompaniya ushbu sohada sarmoyalarni ko‘paytirish, texnologiyalarni rivojlantirish va mahsulotlarni takomillashtirish orqali bozordagi o‘z pozitsiyalarini mustahkamlashni rejalashtirmoqda. Ley Jun shuningdek, Xitoy texnologiyalarini va ichki bozorni qo‘llab-quvvatlash ahamiyatini va ilmiy-tadqiqotlar va ishlab chiqarishga sarmoyalar kiritish zaruratini ta'kidladi. Xiaomi 2021-2025 yillarda ilmiy-tadqiqotlar va ishlab chiqishga 105 milliard yuanni sarmoya kiritishni rejalashtirmoqda, shundan 30 milliardini 2025 yilda kiritadi.
Xiaomi ning 2024 yil uchun barcha moliyaviy natijalarini tasdiqlash va aktsiyadorlarga dividendlar to‘lash masalalarini muhokama qilish uchun direktorlar kengashining yig‘ilishi 2025 yilning 18 martida bo‘lib o‘tadi.
