Tarmoqda ikki rangli versiyadagi flagman smartfon Xiaomi 15 Ultra surati e’lon qilindi.

Nima ma’lum?

Tarqalgan surat qurilmaning orqa panelini batafsil ko‘rish imkonini beradi. U nafis ikki rangli dizayni va klassik fotoapparatlardan ilhomlangan ulkan dumaloq kamera blokiga ega.

Ikki qator joylashgan ushbu modulda Leica logotipi ham ko‘rinadi.

Xiaomi 15 Ultra kamerasi

Yuqori qatorga 200 MP sensor va periskop linzasi joylashtirilgan. Pastki qator esa 1 dyuymli asosiy kamera, qisqa masofali 50 MP telefoto va 50 MP ultra keng burchakli ob'ektiv bilan jihozlangan.

Shuningdek, Xiaomi 15 Ultra Snapdragon 8 Elite chipsetida ishlashi va HyperOS 2 bilan Android 15 operatsion tizimini qabul qilishi ma’lum.

Yangi model haqida batafsil ma’lumot fevral oyi oxirida paydo bo‘ladi – dastlab Xitoyda taqdimoti bo‘lib o‘tadi, so‘ngra MWC Barselona ko‘rgazmasida global premyera o‘tkaziladi.